Құпиялылық саясаты

Кім тіркеле алады

Тіркелу үшін саған 14 жас толған болуы керек. 14-ке толмаған болсаң, ата-анаңның (не заңды өкіліңнің) рұқсатымен ғана тіркел. Тіркелгенде сен осыны растайсың.

Қандай дерек жинаймыз

• Тіркелгі: аты-жөнің, телефон нөмірің не поштаң, құпиясөз (ол бір бағытты шифрмен сақталады — оны біз де көре алмаймыз).
• Өзің туралы жауаптар: сыныбың, мақсатың, мектептегі оқу тілің, Horezmi туралы кімнен білгенің, баптауларың (тақырып, дыбыс, аватар).
• Оқу барысы: диагностика мен есептерге берген жауаптарың, оларға кеткен уақыт, меңгерген тақырыптарың, күнделікті белсенділігің.
• Тәлімгермен сөйлесу: AI-тәлімгерге жазған хаттарың мен дауыстық хабарламаларың (дауыс мәтінге айналдырылады, дыбыстың өзін сақтамаймыз).
• Пікірлерің: платформаға қойған бағаң мен жазған пікірің.
• Техникалық дерек: құрылғы түрі (телефон, компьютер), сайтқа қай сілтемемен не қай сайттан келгенің (мысалы, жарнамадан), сайтты қалай қолданғаның (төменде «Microsoft Clarity»).

Не үшін қолданамыз

• Саған дәл сенің деңгейіңе сай есептер мен оқу жолын құру үшін.
• Тәлімгер сенің сұрағыңа жауап беріп, қатеңді түсіндіре алуы үшін.
• Платформаны жақсарту үшін: қай жер түсініксіз, қай есеп тым қиын, оқушылар қай жерде тоқтап қалатынын көру.
• Жарнаманың қайсысы шынымен көмектесетінін түсіну үшін.

Деректеріңді сатпаймыз және жарнама берушілерге бермейміз.

Кімге беріледі

• Google (Gemini): AI-тәлімгер жұмыс істеуі үшін тәлімгерге жазған хатың, дауыстық хабарламаң және сол кездегі есеп пен оқу барысың жіберіледі.
• Microsoft Clarity: сайттағы әрекеттердің жазбасы — қайда басқаның, бетті қалай айналдырғаның. Аты-жөнің, телефоның, поштаң, құпиясөзің, тәлімгермен хаттарың мен пікір мәтінің жазбада жасырылады. Есептерге берген жауаптарың көрінеді: енгізу ыңғайлы ма, соны көру үшін.
• Хостинг: сайт пен дерекқор бұлттық серверде орналасқан.
• Заң талап еткен жағдайда — уәкілетті мемлекеттік органдарға.

Cookie

Біз cookie-лерді тек жұмыс үшін қолданамыз: кірген күйіңді сақтау, интерфейс тілі, сайтқа қай сілтемемен келгенің (60 күн) және Microsoft Clarity. Жарнамалық бақылау cookie-лері жоқ.

Қанша уақыт сақтаймыз

Тіркелгің бар кезде сақтаймыз. Тіркелгіңді өшіруді сұрасаң, жеке деректеріңді өшіреміз; оқу статистикасында сенің атың жоқ жалпы сандар ғана қалуы мүмкін.

Сенің құқықтарың

Өзің туралы қандай дерек бар екенін сұрауға, қатесін түзетуге, тіркелгіңді және деректеріңді өшіруді талап етуге құқығың бар. Аты-жөніңді, сыныбыңды және байланысыңды Баптаулардан өзің өзгерте аласың. Басқа сұраныс үшін Баптаулардағы «Пікір қалдыру» арқылы жаз — жауап береміз.

Өзгерістер

Саясатты өзгертсек, осы бетте жаңартып, жоғарыдағы күнді ауыстырамыз. Маңызды өзгеріс болса, платформаның ішінде хабарлаймыз.